قصيدة بصراحة بكتني .. بس قديمه مررررة !!

السلام عليكم

قصيدة بكتني


البارحة في تالي الليل محتار ... مدري وش أخذ من علوم وأخلي


من كثر همي دمعتي كنها أنهار ... بـأسباب فقد أمي دموعي تهلي


تزوج الوالد وهو مكرم الجار ... زوجه جديده قلت ذا منوة لي


لكن علينا ياعــــرب ضاقت الدار ... قامت تعاملنا بحقد وغلي


تعذيبها ياربعنا سر وجهار ... عجزت أبوصف عذاب حصلي


بأسبابها ياأصحابنا ذقنا الأمرار ...الهم لازمني كما وسط ظلي


يــــــــا خالتي خافي ترى فيه قهار .... يجازي اللي في حياته يزلي


يــــــاخالتي وش ذنبنا تونا صغــــــــــار .... وشلون تعذبيك علينا يحلي


الظــلم شين ماتسويه الأبرار... راعــــيه ضـــايع دايـم مايــــدلي


ضربك بعد لأختي تسبب بالأضرار .......... من جلسه بالبيت صارت تملي


جتني تصيح ودمعها مثل الأمطار ... تشكي تحسب إن الزمن صافي لي


مافي يدي حيله ياليت الزمن دار ..... بس اصبري والله لهمك يجلي


ياخـــــــــــالتي قافيك قصاف الأعمار ... وحساب عالم عن صغير وجلي


يــــاليت والدنا عرف كيف يختار .... إن كان نجمه صار فوق متعلي

للاستماع صووت طفلـــة مرررررة مؤثر

ععطيج العافيه والله لا يراوينا